Viðbótarþjónusta skólans sem áður hét sérkennsluteymi, vinnur markvisst með þeim börnum sem mest þurfa mest á því að halda og eftir gagnasöfnun og þarfagreiningu. Notast er við eftirfarandi matstæki:
- AEPS, færnimiðað matskerfi fyrir 0-6 ára
- Smábarnalistinn, mál og hreyfiþroski 15-38 mánaða barna
- Íslenski þroskalistinn, 15-72 mánaða barna
- TRAS, skráning á málþroska ungra barna, 2-5 ára
- Málhljóðamælirinn, framburðaskimun
- HLJÓM II, öll börn á fimmta aldursári.
- Sensory Profile II - metur skynúrvinnslu barna, 3-14:11 ára.
Ef þörf þykir er send tilvísun í samráði við foreldra um beiðni um skólaþjónustu. Dæmi um þjónustu er málþroskamat eða framburðagreining hjá talmeinafræðing, ráðgjöf sérkennsluráðgjafa eða teymisvinnu og sálfræðilega greiningu. Einnig er hægt að óska eftir námskeiðum á vegum skólaþjónustu Akureyrabæjar fyrir foreldra, til dæmis PMTO og Klókir litlir krakkar. Þegar búið er að kortleggja barn með viðeigandi matstækjum er útbúin einstaklingsnámskrá fyrir börnin sem allt teymið fylgir eftir í vinnu.
Viðbótarþjónusta á Naustatjörn á sér bæði stað inni á deildum í litlum hópum en einnig í daglegu starfi þar sem börn læra m.a. sjálfshjálp, sjálfstæði og félagsfærni. Teymið hefur einnig til afnota herbergi sem það grípur til þegar mat teymis er að ekki sé unnt að kenna barni á fullnægjandi hátt inni á deild eða innan um önnur börn. Í þessum tilvikum skiptir ró og næði barnið miklu máli. Allir aðilar innan teymisins koma að þeim börnum sem fá sérkennslu.
Teymið veitir jafnframt stuðning og ráðgjöf til kennara og foreldra og reglulega eru haldnir fundir til þess að samræma vinnubrögð.
Stjórnandi viðbótarþjónustunnar er Helena Rós sérkennslustjóri, hún hefur umsjón með sérkennslu skólans, heldur teymisfundi, heldur utan um sérkennslutíma, sendir tilvísanir og situr fundi með Barnavernd. Teymið samanstendur af þeim aðilum sem koma að viðbótarþjónustu á einhvern hátt innan skólans en þeir eru:
Helena Rós iðjuþjálfi,- Sérkennslustjóri
Írís Harpa Iðjuþjálfi
Jóhanna þroskaþjálfi
Elísabet leikskólakennari
Eydís bs. í sálfræði
Aðalheiður Anna leiðbeinandi
Aðalheiður leikskólakennari
